قام الفنان المصري تامر سمير بمنح الشباب الذي يشعر باليأس، أملا حتى يصل لحلمه، وذلك من خلال كشف أسرار وكواليس مشواره للوصول إلى عالم الفن.

وكتب سمير في تدوينة طويلة على صفحته بموقع التواصل الاجتماعي “فيسبوك”، إنه عمل عاملا للنظافة في التلفزيون حتى يصل لحلمه ويصبح ممثلا، مضيفا انه وكان يدرس ثانوية عامة حتى يتمكن من الالتحاق بمعهد فنون مسرحية”.

وقال سمير : “اشتغلت عامل نظافة لمدة سنة في ستوديو 1 و 2 قطاع الإنتاج حتى لعبت الصدفة وتغير مجرى حياتي وأصبحت إداري بمساعدة مدام جلية عثمان التي لا انس فضلها كانت مديرتي وهي عضو مجلس الشعب اليوم وكان زميلي وصديقي فهذا الوقت ممثل آخر”.

وتابع وفقًا لما كتبه على حسابه الرسمي على موقع التواصل الاجتماعي “بوست مفتوح ل كل الشباب اللي عاوزه تمثل ركز في الكلام ده كويس شوفو انا زي أي حد مواليد شبرا بدأت حياتي ب التنطيط في مراكز الشباب وكان حلم حياتي ادخل مبني الاذاعه والتلفزيون.. كنت كل جمعة لما ابويا الله يرحمه كان ياخدنا نادي القوات المسلحة اللي في الزمالك كنت اهرب واعدي كوبري أبو العلاء واروح أسلم علي الممثلين اللي بيدخلو المبنى منهم كان يشجعني.. وكنت عيل بقصة لسه ومنهم من كان يحبطني المهم كنت خايب في الدارسة لكن كنت ومازلت اعشق القراءه توفي بابا الله يرحمه قولت خلاص هتدخل فنون مسرحيه قالو لازم ثانويه عامه.. ذكرتها وأثناء الدراسه وانا كنت حاصل علي معهد فني بعد الدبلوم ودخلت هندسه الزقازيق لكن كنت بتكهرب من المكينات سبتها من أول سنه جت لي وظيفه عامل نظافة في التليفزيون لم أتردد لحظه اشتغلت.. وبذاكر الثانويه العامه اشتغلت عامل نظافة لمده سنه في ستوديو 1 و 2 قطاع الإنتاج حتي لعبت الصدفه وتغير مجري حياتي وأصبحت إداري بمساعدة مدام جلية عثمان لا انسي فضلها كانت مديرتي وهي عضو مجلس الشعب اليوم وكان زميلي وصديقي ف هذا الوقت ممثل اسمه م … ر.. وكنا بنشعبطت في جمله نقولها في مسلسل يدخل الاستوديو عندنا ودخلت المعهد وتم فصلي في مرحله الورشة يعني بعد ما نجحت في الاختبار سبب الفصل هبقي أقوله بعدين.. لكني نجحت دون وسطه سبب البوست ده ليه ؟ علشان اوعي تيأس هتقابل ناس كويسه وناس مش كويسه طول ما انت مؤمن ب اللي جواك استمر.. هتيجي امتي دي بتعته ربنا الفيديوهات اللي بنزلها بنزلها بنيه أن الضحك في وجه أخيك صدقه وكمان علشان لم يصبني الصداء سألني أعضاء لجنة التحكيم ف المعهد وكانوا استاذه وعمالقه آنذاك في التسعينات عاوز تمثل ليه قولت ما اعرفش وحتي مشهد اللغه العربيه كنت في حمار لكن إجابتي نجحتي لحد الآن ما اعرفش ليه عاوز أمثل.. ونفس السؤال اتقال لي من أستاذ يوسف شعبان في امتحانات النقابه نجحت اه في مدير تصوير اشتغل معايا افلام مقالات كتير لما أصبح مخرج عمل لي بلوك من حياته ومن علي الفيس بوك لاني عارف حقيقه.. وفي مخرج صديق كان عاوز يبدء حياته مذيع لكن تم رفضه وعلي أيدي وايد اخوايا الصغير وفضلنا نصبره ساعتها ولما أصبح مخرج مشهور تخلي عننا ده الوسط أصبر واستمر وانبسط وعيش وطول ما انت مؤمن ب اللي جواك هتيجي الحياه أبسط من البساطة صباح التفاؤل.