مجهولون ينفذون عملية سطو مسلح على بنك شرق الرياض

عمو شايب بروحه
الله وحدة يعلم نزلت الدمعة من
عيني غصب والله لأجل وفاءك لزوجتك
كل مرة تجيب طاريها وهي ماتت
لكنها من قلبك لم تمت
سامحني ان اخطيت بحقك من طريقتك انت والد هنا ع الجميع
الله يشهد كم انا احبك اجلك اقدرك كثيرا كثيرا
خاصة يوم انك تذكر زوجتك رحمها الله
وبعد كل هاا لسنين الطويلة
وما زلت تذكرها؟؟
هنا الوفاء الحب الحقيقي معدنك اصيل والله
دليل صدق حبك لها
انت رجال ذيب سنافي وفي
تحية لك من المنطقة الجنوبية
هي ارضي وسكناي
عذآب الرحيل
هاوي حياة البر والمقناص
استراحة دائم اردد ه الابيات
ما قول غير الله يعين
هنا الابيات
ابيات من اغاني فارس مهدي حفظه الله
دائما ارددها في البر

اضحك معك والهم بالقلـب خافيـه
والشاهد الله صرت لي يا درابـه
اجاملك بإحساس ماتـت معانيـه
نفسي بها من طبع نفسـي غرابـه
مدري غلا ولا شقى صرت اعانيه
مـدري وهـم قلبـي ولا عذابـه
او هي مشاعر شاعر مع قوافيـه
ولا هي بروق ورعـود وسحابـه
يمكن جنون الحب هـذي مواريـه
يمكن عشقت الهم عشـق الكتابـة
كني جريح صعب جرحه يداويـه
مجبـور بيـن العاطفـة والكآبة
كان الوهم يطلبني الحـب بعطيـه
عمر العمى ما شاف درب مشى به
تعبت المح قولـي انـك فهمتيـه

صح لسانك ام محمد.

لا حول ولا قوة الا بالله العلي العظيم.
هؤلاء مفسدون في الارض.
بس ابي اعرف ليه ما تمشي سيارة شرطه مع سيارة نقل الاموال ، ليش تتعرض حياة سائقي نقل الاموال ومرافقيهم للخطر.
ليششششششششششششششششششششششششششششششششششش.
هل الموضوع بهده البساطه.
لكن انشاء الله يطيحون بيد الامن.

يعني سوو الجريمة وانتهينا …… راح يسحبوكم بخشومكم للعداله ويطبق فيكم شرع الله يا مجرمين

أم محمد
اؤيد كلامك تماما
نسأل الله الهدايه لنا وللمسلمين

كثرت الفتن والسرقة والقتل

لاحول ولاقوة الا بالله

أي مشكله أو سيئة تحل بنا سببها من أنفسنا

((مااصابك من حسنة فمن الله ومااصابك من سيئة فمن نفسك))

والله السرقات ماهي بسبب الفقر الا بسبب الدشارة والصياعة و تضييع الصلاة والبعد عن الله هذي الحقيقة

حسبي الله عليهم ?

شايب بروحه اذكروا محاسن موتاكم فالرسول عليه السلام يقول انتم شهداء الله في الارض تذكر منها محاسنها واستر مساؤها فهي الحين بحاجه الدعاء والرحمه

المشكله الرياض غريبه ما تشوف ولا دوريه بعكس الشرقيه وجده والجنوب ايش السبب ما نعلم

يعيال واحد من أهل بدر الجنوب كنت سكان عنده في حي الفهد اعطيته 5000 وبقي يبي من 3000 الف ريال وش العلم مع الرجال هذا المشكله أجر بيته &

اللهم انصر رجال الأمن فوق كل أرض وتحت كل سماء

ياأخوان مشاكل السطو في تنامي وأزدهار
وهذي مشكلة حقيقية
هذي عصابة منظمة
وليست عصابات أنفرادية
ويخوفي تتطور الشغلة الى قطع الطرق وأعتداءات على البيوت والأفراد فاالشوارع
والمشكلة ماعندنا هذيك الأحكام الرادعه
علموني عمركم سمعتوا بحكم على ساطي
هنا فاالصحيفة
يدخل السجن ويربي دقن ويحفظ جزء ولا جزئين
ويطلع بشهادة حسن سيرة وسلوك
وخذلك
سطو وسرقات تحت التهديد والأكراه
وتزايد في أعمال السطو
ولو تجي تدافع عن نفسك ومالك وتذبح لك معتدي
سجنوك?

لـيه يخــوي متقاعد . عمـــنا شايب بروحه رفــــع ضَغــــــطِك .؟؟؟.
.
والله يوفقــنا مَعَــك ويوفــقه ويـرزقــنا ويـرِزقـه حِســن ألخـاتــمه .?.

امين يارب الله يجزاك الخير ابوي شايب بروحه ولك مثل ما قلت ويطول بعمرك على طاعته

شايب بروحه فاضي شغل ورفع ضغطي الله يوفقناويوفقه ويرزقناويرزقه حسن الخاتمه

الله يجزاك خير الجزاء يا شايب بروحه وربي ان عيوني دمعت من هذا الدعاء. الله يرزقك من.واسع فضله وكرمه ويحسن خاتمتنا جميع والله الموت يخطف فينا شباب وشياب والله يرحمنا برحمته التي وسعت كل شيء اطلبك وان شاء ما تردني خايبه انك لا تذكر شي من عيوب زوجتك فهي افضت الى ما صارت اليه ولا نعلم عن حالها والله غفورا رحيم. والنبي عليه الصلاة والسلام قال اذكروا محاسن موتاكم

وياليت تعطينا من القصص الي تعلمها وسمعتها من ثقات لان من اخبار الاولين نستفيد وانتم الخير والبركه ولا لنا غناه عن نصحكم وشوركم وتجاربكم في الحياه ولك جزيل الشكر

والله ان سواليفكم يالربع ترد الروح وتونس المهموم … وما نقصها غير زول من الأولين يعطينا علوم الزوله ايام زمان… وحتى ما يزعل المصارنه نبا شحيبر أو مخيمر يبكش علينا اذا ضاقت علينا الصدور… وما يهون ابو صطيف يعطينا علومه لما اكل الزييب جاجاته وهو لاهي بشرب الزهورات ..

يا شايب بروحه .. صح لسانك وبدنك..
.. الأوله نباك تذكر المرحومه بالخير إن جبت طاريها ترانا كلنا مقصرين بحق انفسنا واهلنا والكمال لله…. والثانيه نبا سواليفك وانت شباب… ترى زمان أول زمن الطيبين وعلومه تونس النفوس

عمــي شايب بروحه .?.
.
مَقــول إلاعســى ربـي يحفظـك ويطــول عمــرك ويخليـك ســالم غـانـم .
.
تــرى ألمحَــــبَـه مِــــــن الله ومَحَبِتَــــــك الله عطــــانيــــــــها .?❤️️?.

اللهم آمين ,,

,, شكراً يا اخونا شايب بروحه على هذا الدعاء الطيب ، بارك الله فيك ووفقك لما يحبه ويرضاه ,, آمين ,,

= = الضــــــــبان = = تصحيح .?.

ايه تذكرت
قريت مره من المرات عاتباً علي راعي اللددتسن مارد يت والله يشهد اني مانتبه والسكر يرتفع علي أحياناً وحموضه مع ذَا الشاهي الي ترسله ام مهند دايم ترسل مع ابو مهند لنا شاهي بنعناع عقب المغرب وتحط سكر أحياناً مع ان كل خوياي حتى بومهند يكره الحلا ماغير تقول تنتقم مننا عسى الله ياخذها على قولة ابومهند
الزبدة اقول لراعي اللدتسن ونجر بن محماس وابو محمد والقرني قاهرهم والسحاب وظن واحد يقاله البرئ وبومحمد الي يحط صورة كرتون لابس نظارات وبنيتي الي اسمها محرومة الي ماغير تقول طيب وتحس بقهر الشيبان في الزمن
ونافذة وتحط قلب مدري أشكال وأم محمد مدري وش حاطه يمين ويسار صورتها وواحد يكتب اسمه مثل الأوربيين قالي بوغازي وشهي بالعربي ان اسمه فهد وواحد يقاله عذاب الرحيل كلامه والله انه يعجبني ولاني فاهم فيه شي من التاريخ ماعدا القصص من ايّام الرسول علية الصلاة والسلام لكن اعتب عليه يوم يقول المعظم واسيادي استغفر العظيم وكلنا عبيد الله ولأسماء كلها لرب العالمين فقط
داري طولت وزهقتو وداري ان اغلب الي هنا شباب لكن بقولكم سالفه قصيرة
يمكن تغير شي فيكم ونتم شباب يوم توفت زوجتي الله يرحمها ويغفر لها ويدخلها الجنه صلينا عليها بجامع الراجحي الي بالدايري وكنت لا كذب عليكم مصدوم لنها توفت الزبدة شفت اكثر من ٢٠ شخص ذيك الجمعة متوفين معها من لا نعرفهم ولا سمعت فيهم وعقب الدفن ماغير كل صلاة جمعة أصلي في ذَا المسجد وشوف ذَا الشباب ولأطفال والحريم وارجاجيل الي متوفين فانصحكم ياشباب والله على ماقوله شهيد ان بغيت تشوف الدنيا ولأخره رح يوم الجمعة مسجد الراجحي بدري حول ١٠ الصباح وقرأ سورة الكهف وشف ذَا الدنيا
الجمعة الي فاتت ميتاً واحد مرييورلين يقاله وعنده خير شكله شباب عمره ٢٦ سنه
وتشوف الناس بالشارع وشلون يترحمون عليه لأنه نسى نفسه بالدنيا وعجز يشلونه ٨ رجاجيل لسيارة اسعاف الله المستعان
المهم هذا داعي لكم
في صلاة الفجر كلكم
يا فاتح الابواب ومنزل الكتاب وجامع الاحباب ارزقهم رزقا كالأمطار حين تصب وأجمعهم بكل من يحب ، وهون عليه كل صعب ، واجعل أيامهم عيد وعمرهم مديد واجعل لهم من كل هم فرجاً ومن كل ضيق مخرجا يا عزيز يا جبار اجعل قِلوبنا تخشع من تقواك واجعل عيوننا تدمع من خشياك واجعلنا من أهل التقوى وأهل المغفرة وارزقنا الهدى والتقى والعفاف وجعل كل من قرا تعليقي من أهل السنه في جنة خير الأحباب
الله المستعان
الزبدة لكم مني كلم ذَا الدعاء وخصوصاً الي ذكرت اسماهم
وشكر ذَا الجريدة والي يشتغلون فيها ماعمرهم حذفو شي لي
مع اني ادري أحياناً اجيب العيد والله يحفظ حكامنا وشعبنا ويبعد عنا كل حاقد
وسلامتكم

عــزيزي المر .?.
.
تـراك أحلــى من العسل مَنــــت مـــــر .?.
.
ياريــت والله إن عمـــي شايب بروحه يَقبَــــل ويجــي مَعـــي لَلبَـــــر .
.
وتكـــون أنـــت مَعنــــا تــرى جلســــــــة ألوناســــــــه مَتـكمَـــــل إلابِـــــــك .
.
وِكَبسَــــــة الضبــــبان إزهَـلــــها هي وِجـــرابيعِـــن إمقَلقـــله بالصـاج .???.

لاحول ولا قوة الا بالله العلي العظيم

هذي جريمة نكراء

مساء الخير للجميع ياراعي انت رجل سنافي نباك تاخذ شايب بروحه تمشيه علي البر يمكن ينسي الماضي واللعوزه اللي حصلت له صيد له ضبان ووباره وعلوم غانمه جلسه وناسه

حبيبـــنا إنـت يا عمــي شايب بروحه .?.
.
تَعَبــت وأنا أرِد عـــــلاك بَــس إنـت الله يطَــوِل عمــرك مَتــرِد عـــــلانـا .?.

يا شايب بروحه انصحك لوجه الله انك تترك زوجتك فهي بين يدي رب العالمين قدها خرجت من الدنيا واهلها

من كثر ماتكلمت عن الميته وتعرضت لها حتى بعد مماتها باقول لك خسئت مانت برجل ولا تمثل الرجوله وان رايت منها مالايسرك فانت تفضحها حتى بعد مماتها فاين ميثاق الزواج الذي جمعكما يااشيمط
اقسم بالله اني اشمئز حين ارى تعليقاتك وانت لاتمثلنا بحال من الاحوال
ففرعون الطاغيه كان يقدح فى زوجته وهى فى الجنه وهو فى النار

يا شايب بروحه….علومك سنعه… وشباب اليوم هم شياب الغد … وشياب اليوم هم شباب الأمس… والله إن الدنيا ساعات وماهي بسنين… وما نقول غير الله يحسن الختام ويرحمنا دنيا وآخرة..

السلام عليكم ورحمة الله وبركاته
والله ياعيالي وأخواني الي اجتمعت فيهم هنا
ولا اعرفهم وجهاً لوجه اني ادخل وكتب في كل موضوع ونسا عقبها وين كتبت ولا وين كتبت الا
اذا دخلت ثاني مره بالغلط ولا اني اقرأ تعليقي
وأحياناً اكتب ويشهد الله اني اكتب ماقرا وش كتبت لأني احبها تطلع بالنية ومنكم الي يفهمني ومنكم الي يزعل علي ومنكم الي وده يطب في بطني لكن كلكم مسامحين ايه نسيت ومنكم الي يزعل علي وش قلت عن زوجتي الله يرحمها ويغفر لها ويجعلها فى أعلى الجنان ولا يجمعني فيها ويرزقها واحداً يقدر عليها ويطنشها ولا تسأله شي وينغسل مخها من ذَا الدنيا وحبها للراتب وتشغيل الكهرب ولأعراس والنكد وماغير وين رايح وين جاي اعوذ بالله
المهم نسيت وش كنت بقول الله المستعان

يارب ينمسكوا ها المجرمين

حسبي الله ونعم الوكيل

الله يسترها

لا حول ولا قوة الا بالله

عبدالرحمن علي صدقت لابد من توظيفهم علي الاقل بالعسكريه لان الفراغ والمخدرات قنبلة موقته

نجر بن محماس السطو علي سيارات مسروقه بعد العمليه يتم احراقها او اقرب براحه

كل مازاد الفقر زادت السرقة والسطو

الحمد لله بالسعوديه لم تسجل قضيه ضد مجهول يكشفون بعون الله ثم تعاون المواطنين وخبرة رجال الأمن

اسعد الله أيامك وايام القراء يا راعي الددسن…
.. يعلم الله ان ابن البلد فيه كل خير .. والسوس ماله بيننا مكان

حـلـــوه ازبوع ياشـيخ نجر بن محماس .??.
.
ومِثِــل مَقِــلت اللهم احفظنا في ديننا ودنيانا .
.
وِمَــــــــرَدهُــــــــــــم للأملَـــــــــــح بِــــــــئذن الله .⚔.

من خلال كاميرات المراقبه عند الاشارات وعلى الطرق سيتم القبض عليهم خلال ازبوع بالكثير…

اللهم احفظنا في ديننا ودنيانا

ان شاء الله عقوبة الإعدام مصيرهم في نفس مكان الجريمة كما فعل بعصابة الذهب في أبها ليرتدع من تسول له نفسه بالعمل الإجرامي في بلاد الأمن والأمان