خالد الصاوي يتحدث عن كوارثه في مرحلة الطفولة

تحدث الفنان المصري خالد الصاوى عن كوارثه في مرحلة الطفولة، و عن أول مرة دخل فيها قسم الشرطة

وقال خالد الصاوي: "أظن دا حصل أيام خناقات الثانوية العامة، وقتها كنت اتخانقت مع حد كان مسمى نفسه فتوة العجوزة، وكانت خناقة كبيرة في نادى الصيد، وقتها خلعت قبل ما البوكس يلمنا، لكن اتحبست في بورسعيد أنا واتنين زمايلى، فكنا في مصيف خاص بالجامعة، وعملنا خناقة وكنت أنا في الواجهة وصوتى عالى ورحنا اتحطينا في الحجز".

وأضاف الصاوي خلال لقائه في برنامج "السيرة" الذى تقدمه الإعلامية وفاء الكيلانى على قناة DMC، أنه رغم الكوارث التي كان يقوم بها في طفولته ومراهقته لم يصطحبه والداه إلى طبيب نفسى، موضحاً: "لأن مكانش في حاجة شاذة في شقاوتى أو خناقاتى، فمثلا مكنتش بشيل سلاح، مكنتش دموى بحب الدم مثلاً، لكن لو الحاجات دى كانت فيا كنت لازم أروح لدكتور نفسى".

وأشار خالد الصاوى إلى أن والدته كانت تحلم أن يدخل الجامعة وتبكى خوفاً من دخوله الإصلاحية، أما والده فكان يرى أن الحل هو كسبه كصديق لأنه تقبله على ما هو عليه، وروى الصاوى عن تصرف غريب قام به وقال: "مشيت على سور شقة بالدور الـ 23، وأنا عندى 30 سنة، فكنت عاوز أحس إنى بطير لأنى كنت فرحان انى خلاص قعدت في شقة بتاعتى".