شاهد.. تامر حسني يكشف عن حلم طفولته

كشف الفنان المصري تامر حسني، عن حلم طفولته، حيث ظهر في فيديو مؤثر وهو يسير بين عشرات الأيادي الممتدة نحوه من محبيه للمسه والسلام عليه.

وعلق تامر حسني على الفيديو، قائلا: “المشهد دا كان اكتر مشهد بحلم بيه من وأنا صغير تقريباً كنت بشوفه كل شهر بأشكال مختلفه وكنت بسأل نفسي طب يارب انا هتشهر بالشكل دا والناس هتحبني كدا في أي مجال عشان ساعتها كنت بلعب كرة بس كان عندي إصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل ودا شيء محبط لإني كنت مصنف لاعب مهاراتي كويسة”.

ولفت: “الموضوع دا اتكرر معايا في الزمالك والأهلي والإتنين استغنوا عن خدماتي، يعني زي ما تقولوا كدا في ظروف كانت بتتجمع عشان أفهم إن الكرة مش مستقبلي رغم تعلقي بها الجنوني بس أتاري ربنا كان كاتبلي مستقبل تاني و أفضل ليا بس عرفت دا لما دورت جوه نفسي بجد بمساعدة أول معجب ليا أول fan في حياتي و الوحيد اللي كان مصدقني وهي أمي”